СДСМ бара Агенцијата за храна да одговори врз основа на што тврди дека енергетскиот пијалок е безбеден, кога во случајот со труењето со него не прикажала резултати од лабораториски испитувања со кој ќе го докаже тоа пред јавноста.
Од партијата прашуваат зошто АХВ како надлежна институција за безбедност на храната, во која спаѓаат и пијалоците, нема донесено правен акт, кој треба да ја регулира оваа област и да обезбеди правна рамка.
– Безбедноста на храната и пијалоците се законска обврска на АХВ, а не на пазарната инспекција. Ние веќе алармиравме, дека во Македонија се продаваат пијалоци што не се дефинирани во ниеден правилник. Дури и стручното мислење на Институтот за јавно здравје, алармира за пијалок што претставува закана за јавното здравје. Институт кој е член Националниот совет за безбедност на храната, кој пак е управуван од директорот на АХВ, Зоран Поповски, вели во изјавата дополнителниот заменик-министер за земјоделство, шумарство и водостопанство.
Во недостиг на стручни факти и аргументи, тие се служат со манипулации и за тоа избегнуваат веќе цели единаесет години секакви дебати. Јавноста знае дека бегаат од соочување со фактите.
