Премиерот Никола Груевски значајно придонел во високообразовната научна и културна денјност и афирмација на Универзитетот „Св. Кирил и Методиј“ поради што денеска се закити со плакета. Слично признание му беше доделено и на ректорот на Југозападниот универзитет за финансии и економија од Ченгду, Кина, Зонгуи Жанг.
Поводот е отворањето на кинескиот Институт „Конфуциј“ во рамките на УКИМ со поддршка на двете влади.Груевски истакна дека Македонија и Кина со години ги развиваат односите на пријателството, меѓусебно разбирање и за заемно почитување.
– По тој повод денес имам огромно задоволство да присуствувам на формирањето на Институтот „Конфуциј“ во Македонија чија цел е промоција и поддршка на изучувањето на кинескиот јазик и култура, воспоставување на наставата на кинески јазик во образовните институции, како и зајакнување на заемното разбирање и соработка меѓу граѓаните на Македонија и Кина – рече Груевски.Тој додаде дека од 2006 година средствата за образование се зголемени за 60 проценти.