Подобрување на условите за учениците и за наставниот кадар се на врвот од приоритетите на Министерството за образование и наука и тоа ќе продолжи, иако владее општа економска криза, рече заменик-министерот Сафет Незири денеска за време на неговата посета на Гостивар.
На средба со неговиот домаќин, градоначланикот Невзат Бејта, било разговарано за состојбите во образованието и за потребите на општина Гостивар.
Незири и Бејта го посетија и училиштето „Братство-Башкими“ каде се врши реконструкцијата на зградата, како дел од проектот за модернизација на образованието, а за што е предвидено да се вложат околу 300 илајди евра.
– Задоволен сум од динамиката на работите кои тука се изведуваат. Во оваа, прва фаза предвидена е целосна реконструкција на тоалетите и замена на прозорците, а веќе се работи и на подоготовки за втората фаза која опфаќа замена на покривот, фасадата, подот и вратите. Со ова, училиштетото ќе биде во класа на енергетски ефикасно, изјави заменик министерот Незири.
На новинарско прашање во врска со ОУ „Битолски Конгрес“ и едно подрачно во Велес, Незири изјави дека тие ќе бидат надминати до почетокот на годината.
– Во делот на градежните работи и интервенции, онаму каде МОН е инвеститор, нема застои. Создавањето подобри услови за учениците и за наставниците е приоритет и на министерството, рече заменик-министерот за образование и наука, Сафет Незири.
Градоначалникот Бејта, побарал помош за довршување на две спортски сали, чија изградба не завршила во изминатите четири години и за решавање на проблемот со греење во ОУ „Гоце Делчев“.