Почесниот конзул на Јапонија во Македонија Казу Лешниковска денеска ќе ја предаде наградата за ООУ „Лазо Трповски“ освоена на Меѓународниот литературен натпревар за млади 2016 во Токио.
Наградата ја освоија ученичките Александра Исајловска и Матеа Шутарова во конкуренција на 12.937 учесници од 153 земји на натпреварот организиран од УНЕСКО и фондацијата ГОИ од Токио во рамки на одбележувањето 71 година од основањето на Организацијата на Обединетите нации за образование, наука и култура.
Тие учествуваа со прозни лични творби напишани во форма на есеи на тема „Да создаваме подобра иднина преку образованието“, а беа координирани од тројца наставници-ментори Стефан Симовски, предметен наставник по германски јазик, Соња Јовановска, предметен наставник по македонски јазик и Лилјана Симоновска, предметен наставник по англиски јазик.
Покровител на натпреварот во Токио е министерот за образование, култура, спорт, наука и технологија на Јапонија.