На Штипскиот универзитет најголем интерес за студии на Медицинскиот факултет

Од:

Штипскиот универзитет „Гоце Делчев“ во првите два дена од првиот уписен рок примил 1.800 идни студенти на своите 13 факултети, што се совпаѓа со очекувањата. Интересот е најголем на Факултетот за медицински науки, каде уште во првиот ден се пополниле најголем дел од студиските програми.

– Факултетот за медицински науки веќе е преполн. Многу добро за Универзитетот е тоа што донесе одлука да не се примаат студенти на овој факултет со помалку од 80 поени, со што во првиот уписен рок се запишаа одлични средношколци. На Факултетот за туризам и бизнис-логистика, исто така, имаме близу 600 студенти. Интересот е голем и на Факултетот за природно-технички науки, каде што има повеќе од 160 пријавени кандидати, изјави проректорот за инвестиции Кирил Барбареев.

На Факултетот за информатика, додаде тој, пријавени се повеќе од 100 и на Земјоделскиот факултет повеќе од 90 кандидати.

Првиот уписен рок на УГД почна завчера и според Конкурсот завршува денеска, но на барање на студенти кои не ги комплетирале потребните документи, Универзитет донесе одлука запишувањето да го продолжи и утре.

Според Барбареев, по вториот уписен рок во септември се очекува да бидат запишани над 3.000 идни студенти.

Би можело да ве интересира

Јаневска објави: Нов закон за средно образование ќе има наскоро

Хајделберг факултетот се доближува до идните академски граѓани: Започна караван низ средните училишта во Македонија

A1on

(ВИДЕО) Николова: Предложените реформите се без јасна стратегија за развој и модернизација на образованието

ВЛЕН: Сериозно сме посветени на образованието кое беше во тотална летаргија

Јаневска: Пакетот закони од образованието се носи демократски и инклузивно

Горан Наумовски

Јаневска: Не дозволувам политички партии да печалат поени и да враќаат рејтинзи преку игри во образованието

Предраг Петровиќ