МЗ: Ги следиме потребите на населението во Кочани, на терен зајакнати медицински тимови

Од:

Министерството за здравство соопшти дека е во постојана комуникација со болницата во Кочани и ги става на располагање сите расположливи ресурси според потребите на локалното население.

Како што се посочува во соопштението, медицински тимови се зајакнати особено денеска, за време на погребот. Во соработка со Клиниката за психијатрија, испратени се специјалисти психијатри за поддршка на граѓаните во овие тешки моменти.

-Во соработка со здравствените установи и Црвениот крст е организирано и засилено присуство на медицински тимови, кои се достапни во текот на денешниот ден. Министерството за здравство останува во комуникација со сите засегнати страни, постојано ги следи потребите на локалното население и реагира соодветно на барањата на граѓаните, наведува МЗ.

Исто така, Министерството апелира за внимателно и етичко информирање, со емпатија, хуманост и солидарност, во овие моменти на жалост.

Апелира информации да се проверуваат кај надлежните институции, „бидејќи неточното информирање може да предизвика дополнителна вознемиреност“.

-Министерството за здравство повторно изразува благодарност до сите поединци и субјекти, како и здравствените работници од државава и странство, што го даваат својот максимум за соодветно справување со овој предизвик, наведува Министерството за здравство.

Би можело да ве интересира

Повредените во „Пулс“: Ако си замине докторката Паниќ-Мирчоска ќе останеме без професионално лекување

Горан Наумовски

Левица поднесе кривична пријава за Мицкоски за истрагата за трагедијата во Кочани

За пожарот во „Пулс“ осомничен и сопственикот на објектот

Пуштена и последната пациентка од болницата во Солун, на лекување во Грција остануваат уште двајца повредени од трагедијата во Кочани

А1он

Родителите на загинатите во „Пулс“ даваат поединечни искази во Основното јавно обвинителство

Горан Наумовски

Обвинителството ги сослушува законските застапници на жртвите од дискотеката „Пулс“