Вчера околу 20.47 часот во СВР Скопје било пријавено дека на улицата „Козле“ во Скопје се случила сообраќајна несреќа помеѓу патничко возило „цитроен“, управувано од 37-годишниот К.Ѓ. од Скопје, патничко возило „мини купер“, управувано од 53-годишниот П.Ж. од Скопје и мотоцикл „хонда“, управувано од малолетник од Скопје, сите со скопски регистарски ознаки, извести МВР.
– На местото несреќата од здобиените повреди починал малолетникот, а смрт констатирала екипа од Итна медицинска помош, соопшти МВР.
Увид на местото извршиле увидна екипа од СВР Скопје и Јавен обвинител, по чија наредба телото на починатиот било дадено на обдукција.