Генералниот директор и претседател на Управниот одбор на „Алкалоид“, Живко Мукаетов, и Живко Поповски, сликар, хуманист и новинар, се добитници на државната награда „Мајка Тереза“ за 2013 година за остварувања во областа на хуманоста и човечката солидарност.
Одборот за доделување на државната награда „Мајка Тереза”, во согласност со Законот за државните награди, Законот за изменување и дополнување на Законот за државните награди и Правилникот за работа на Одборот на својата седница одржана на 26-ти јуни донесе Одлука за доделување на државната награда „Мајка Тереза” во 2013 година за особено значајни остварувања од интерес на државата во областа на хуманоста и човечката солидарност и за поттикнување, унапредување на меѓусебното разбирање и развој на соработката како меѓу народите, така и меѓу припадниците на различните заедници, култури и вери.
Наградите на добитниците ќе им бидат врачени на 26-ти август во 12 часот во Порта Македонија – Скопје.