Момче и девојка во бесознание донесени во болницата во Гостивар, пиеле алкохол во дискотека

МВР информира дека рано утринава во 00.55 часот во ОВР Гостивар, од Ургентен центар Гостивар било пријавено дека кај нив во бесознание била донесена малолетничка од Гостивар.

Според пријавеното, таа претходно консумирала алкохол во дискотека во Гостивар.

Неколку часа подоцна, во 04.35 часот во ОВР Гостивар, од Ургентен центар Гостивар било пријавено дека кај нив во бесознание бил донесен малолетник од Гостивар.

Според пријавеното, и тој претходно консумирал алкохол во дискотека во Гостивар.

Се преземаат мерки за расчистување и документирање на случаите, по што ќе бидат поднесени соодветни пријави.