Генералниот секретар на Левица – Јована Мојсоска која беше кандидат за градоначалник на општина Струга на овие избори на Фејсбук направи „резиме за колегијалноста во владината коалиција“.
„ВМРО-ДПМНЕ вади кандидат за градоначалник во Брвеница. ВРЕДИ исто така вади кандидат во Брвеница и во вториот круг се обединија со ДУИ против кандидатот на Мицкоски. ВМРО-ДПМНЕ вади кандидат за градоначалник за Кичево. ВРЕДИ вади свој кандидат за Кичево. За вториот круг, Касами јавно ја дава поддршката за ДУИ, додека кичевско ВРЕДИ срамежливо вели „по сопствено убедување да се гласа”. Соодветен реципроцитет на јавната поддршка од Мицкоски која ја добија кандидатите на ВРЕДИ, нели?“ пишува Мојсоска.
Таа вели дека „единствена општина каде ВРЕДИ не вади кандидат е Чашка. Таму свои кандидати имаат ВМРО-ДПМНЕ, СДСМ и ДУИ. Со гласовите на ВРЕДИ и ДУИ, уште во прв круг победи кандидатот на ДУИ. Значит, ВРЕДИ и ДУИ отворено соработуваат во ТРИ ОПШТИНИ (Чашка, Брвеница и Кичево)“.
„Најверојатно, како „благодарност“ што Мицкоски ги остави Гостивар, Тетово и Струга без свои кандидати за градоначалници“ посочи Мојсоска.