Министерот за образование и наука, Панче Кралев, денеска престојуваше во работна посета на Делчево, каде од просветните работници се информираше за почетокот на второто полугодие во основните училишта “Ванчо Прке” и “Св. Климент Охридски” и Средното општинско училиште “Методи Митевски -Брицо”.
Министерот Кралев се интересираше за санитарно-хигиенските услови во училиштата и ги посочи реформските процеси и напорите на Министерството за образованаие и наука во унапредувањето и осовременувањето на условите за изведување на наставно-воспитниот процес во основното, средното и високото образование во Република Македонија.