Министерот за правда Блерим Беџхети денеска се сретна со пратеници во Европскиот парламент членови на Социјал-Демократската Алијанса предводени од Либор Роучек заменик претседател на Алијансата.
На средбата, како што соопшти Министерството за правда, Беџхети ги запознал присутните со реализацијата на досегашните реформи во правосудството, како и со активностите на институцијата со која раководи.
– Натамошното спроведување на реформата на правосудството треба да се базира на следниве приоритети, јакнење на независноста, непристрасноста и ефикасноста на правосудството, подобрување на управното право, натамошни реформи во кривичниот систем, развој на граѓанско правниот систем, унапредување на пристапот до правдата, како и унапредување на заштитата на човековите права, истакнал Беџети на средбата.
Министерот ги информирал соговорниците дека доследно се спроведуваат препораките на ГРЕКО и Венецијанската Комисија каде што Република Македонија има и свои претставници кои активно партиципираат во работата на истите.
– Во однос на активностите околу избирачкиот список и изборните правила, министерот информираше дека во Министерството за правда веќе подолго време активно работи работна група составена од експерти и претставници на политички партии кои работат на вметнување во законските прописи препораките на ОБСЕ и ОДИХР. Исто така, во Државната изборна комисија, работи група на прочистување на Избирачкиот список, истакнал министерот Беџети на средбата со пратениците од ЕП.