Ноќеска настрадал автомобилот на лидерот на Српската Напредна Странка во Македонија, Драгиша Милетиќ. По полноќ непознато лице го искршил ветробранското стакло на автомобилот
Тој, како што јави Канал 5, ова го смета за закана.
„Мислам дека е закана. Но, ова е закана и за демократијата во Македонија“, изјави Милетиќ
Тој вели дека и порано имал закани, кои се засилиле за време на локалните избори. На автомобилот му пишувале со кармин да си оди во Србија.
Милетиќ беше еден од најжестоките подржувачи на опозицискиот блок. Дебатираше за сите проекти на Владата за кои велеше дека се ненародни и штетни.
Учествуваше и во Отпорот и држеше говори против,како што велеше уништувањето на демократијата.
Пред изборите, кога опозицијата немаше донесено одлука дали ќе учествува на изборите Српската Напредна Странка му даде поддршка на Стевчо Јакимовски за градоначалник на општина Карпош.