Премиерот Зоран Заев и претставникот на УНИЦЕФ, Бенџамин Перкс денеска ќе ја отворат меѓунароната конференција насловена „Квалитетно образование за раст, резултати и подобра иднина“ која што ќе започне денеска и ќе трае до среда.
Целта на конференцијата е отворање на јавна дебата за како најдобро да се забрза реформата во образовниот систем и да се подобри квалитетот на образованието за да се намали јазот меѓу земјата и успешните образовни системи.
Околу 500 учесници на конференцијата ќе имаат можност да слушат меѓународни образовни експерти, реномирани лидери и поборници за квалитет, рамноправност и ефикасност на образовните системи.
Настанот е организиран под водство на Владата, Министерството за образование и наука и Министерството за труд и социјална политика заедно со УНИЦЕФ.