Во рамки на проектот за меѓуетничка интеграција во образованието СОУ „Љупчо Сантов“ од Кочани и партнерското училиште од општина Врапчиште СОУ„Неготино“ од Неготино, денеска реализираа заеднички активности во Кочани.
– Во рамки на денешната заедничка средба мегу учениците и наставниците од девете училишта реализиравме интерактивна работилница со ученици од двете училишта на тема „Стереотипи и предрасуди“, изјави Лазар Димитриев, директор на училиштето од Кочани.
За директорот на СОУ„Неготино“ од општина Врапчиште Раим Касими, денешната средба е можност повеќе да се продлабочи соработката меѓу двете училишта, бидејки искуството од училиштето од Кочани за нив е добредојдено на секој план, воспитен, образовен и слично.
Наредната средба во рамки на овој проект ќе се реализира на 31 март оваа година, а домаќин ќе биде СОУ„Неготино“.
Градоначалникот на општина Врапчиште Бајрам Кадриу, ја истакна досегашната соработка на Локалните самоуправи од двете општини, а најави соработка и на образовен, културен и спортски план преку гостувања на насамбли и групи на значајни манифестации во двете општини.
Денешната сердба во Кочани заврши со ревојален натпревар во футсал и одбојка со учество на екипи ученици од двете училишта.