Пратениците од партиите на власт не го поддржаа Законот за ограничување на патните трошоци на пратениците што го предложи Левица, така што ќе ја продолжат праксата со злоупотреба и наплаќање на енормни суми, а своевремено им ги укинаа патните трошоци на работниците, велат од Левица.
– Нудиме насушно потребно ограничување на патните трошоци. Јавноста веќе долго го артикулира овој проблем и директно влијае врз достоинството на Собранието, пратениците и политичкиот систем. Како анти-естаблишмент партија, ние пробуваме да го вратиме она што народот некогаш го имаше – политичка моќ. Овие кои денес ја владеат државата ВМРО-ДПМНЕ, токму нивниот министер или фридманист – Трајко Славески ги укина патните трошоци за работниците”, истакна Амар Мециновиќ, пратеник и портпарол на Левица, по однос на Предлог-законот за ограничување на патните трошоци, предложен од пратеничката група на Левица.
– Ние, драги пратеници, ви нудиме конструктивна равенка. Да беше популистички овој закон, ќе ви поднесевме повторно укинување на патните трошоци што, патем, претходниот мандат, ДПМНЕ го гласаше, кога СДС беше на власт – потсети Меџиновиќ.
– Ние сега, на основа на конструктивност, ви нудиме равенка да се пресметуваат патните трошоци. 6,5 литри на секои изминати 100км. Затоа што сега противзаконската одредба погрешно се толкува, затоа и цицате пари за армотизација, цицате пари за патарини! Со оваа наша одредба, еднаш засекогаш, јасно да ги дефинираме патните трошоци, за да не можете вие да се богатите, на основа на вашата фрустрација што не сте Министри – додаде тој.