Денеска, матурантите полагаат мајчин јазик. За полагање македонски јазик се пријавиле 12.729 кандидати, за албански – 5.791, а турски јазик ќе полагаат 411 матуранти.
Овој испит е задолжителен, и матурантите имаа 4 часа за размислување и одговарање.
Со тестирање ќе бидат опфатени 97 јавни средни и 7 приватни средни училишта во Република Македонија за учениците од гимназиското, уметничкото и средното стручно образование со четиригодишно траење.
На 12 јун, ќе се полага вториот испит, математика. За полагање математика се пријавиле 2.189 кандидати, а за напредно ниво, само 19 ученици. Англиски јазик ќе полагаат 16.248 матуранти, француски – 295, а за германски јазик се пријавиле 149 ученици.
Полагањето ќе го следат 230 набљудувачи и 2.000 тестатори.
Матурантите ќе знаат по еден месец, дали положиле или не. Доколку се убедени дека не се соодветно оценети, ќе може да подмесат приговор, кој ќе ги чини 2.000 денари.
Матурата ќе ја чини државата околу 12 милиони денари.
Иако испитните материјали до последен момент се чуваа прашањата во тајност, вчера на социјалните мрежи беа објавени дел од одговорите за тестовите по македонски јазик.
Се очекува надлежните да објаснат дали се работи за вистинските тестови, и дали некој ќе сноси одговорност за „провалување“ на тестот.