Од триесетината младинци што скокнаа во осветените води на Каменичка Река, крстот успеа да го извади Мартин Цеков од Македонска Каменица.
Традиционално Црковниот одбор при храмот „Света Богородица“ на тој што ќе го извади крстот од водите на Каменичка Река му подарува златно ланче со крст. Годинава среќата ја имаше Мартин Цеков, на кој градоначалникот Дарко Митевски, од името на Општина Македонска Каменица му подари златен медалјон со ликот на Свети Јован Крстител.
– Ги почитувам нашата вера и црква и се радувам што мене ми се падна среќата и честа да го извадам крстот. Им благодарам на општината и на спонзорите за даровите, а на рударска Каменица и посакувам економски просперитет, Бог се јави – Навистина се јави, рече Мартин Цеков.