Маричиќ-Варвициотис: Грција останува важен партнер на С. Македонија на европскиот пат

Од:

Заменик претседателот на Владата задолжен за европски прашања, Бојан Маричиќ, денеска во Атина оствари средба со алтернативниот министер за надворешни работи на Република Грција задолжен за европски прашања, Милтиадис Варвициотис, на која беше разговарано за евроинтегративниот процес на Северна Македонија и соработката меѓу двете земји на ова поле.

– Северна Македонија ја има Грција за партнер и силен поддржувач на европскиот пат. Добрососедските односи и поддршката која ја имаме од Грција отвораат простор да се фокусираме и да зборуваме за европската иднина и за македонските евроинтеграции, рече Маричиќ на средбата.

Министерот Варвициотис потврди дека Грција е искрен и силен поддржувач на Северна Македонија на европскиот пат и дека во текот на процесот на преговори можеме да сметаме на помош во постигнувањето на европските стандарди и забрзување на евроинтеграцијата.

Тој додаде дека е задоволен од досегашната соработка и добрите односи помеѓу двете земји, пример што треба да го следат и други земји, но и дека европскиот курс на тесно поврзан со спроведувањето на Договорот од Преспа. Почитувањето на меѓународното право е единствениот начин за градење добрососедски односи и просперитетна иднина на двата народи, додаде Варвициотис на средбата.

За вицепремиерот Маричиќ денешната официјална посета на Атина е уште една потврда за постоење на добра политичка волја и потенцијал за меѓусебна соработка во остварувањето на заедничките стратешки цели и нови инфраструктурни проекти кои ќе ја зголемат мобилноста на нашите граѓани, како отворањето на граничниот премин Маркова Нога за кој соговорниците изразија уверување дека ќе има успешна реализација и брзо и ефикасно отворање.

На состанокот Маричиќ и неговиот грчки колега Варвициотис дискутираа и за билатералните односи, случувањата во регионот, проширувањето на ЕУ, енергијата, војната во Украина и кризите предизвикани од истата.

Во рамки на посетата на Атина, Маричиќ ќе земe учество како главен говорник на тркалезна маса организирана од Програмата за Југоисточна Европа на Грчката фондација за европска и надворешна политика ЕЛИАМЕП, известуваат од Владата.

Би можело да ве интересира

(ВИДЕО) Новите сметки донесоа гнев – зошто повеќе пари за пренос отколку за потрошена струја?

Електронски идентитет ќе добие секој граѓанин во државата

Ана Ололовска

Ќе се формира Државен пазарен и технички инспекторат, одлучи Владата

Ана Ололовска

Ковачевски ќе ја предводи владината делегација на 4 февруари во црквата „Свети Спас“

Ана Ололовска

Усвоена годишната Програма за работа на Владата: економски раст и успешни преговори со ЕУ меѓу приоритетите

Ана Ололовска

Владата го утврди текстот на Предлог – законот за нуспроизводи од животинско потекло

Ана Ололовска