Манифестација „Образовно рандеву 2018“, проект на Младинската асоцијација на средните стручни училишта во Македонија, ќе се одржи денеска и утре на Универзитетот за туризам и менаџмент во Скопје.
Од Универзитетот информираат дека покрај едукативната и научно-истражувачката дејност, перманентно делуваат во сегментот на општествено одговорно работење преку реализирање заедничка образовна мисија за поддршка и насочување на креативноста и инвентивноста на средношколците со цел подобрување на личните вредности на учениците и нивна подготовка за влез во светот на конкуренцијата.