Македонија води судски спор за зградата на македонската амбасада во Будимпешта, пред Вишиот суд во Будимпешта, Република Унгарија, јави Канал 77.
Според радиото, ова е само од еден од четирите меѓународни судски спорови во кои е вмешана нашата земја.
Според податоците на Државното правобранителство, во 2013 година, Јозо Капетановиќ и други од Тиват ја тужеле Република Македонија и Министерство за труд и социјална политика пред Основниот суд Котор во Република Црна Гора. Извесна Аленка Песек ја тужи Република Македонија и Амбасада на Република Македонија пред Основниот суд во Љубљана, Република Словенија.
Судски спор против Република Македонија и модната конфекција „Астибо“ Штип се води пред Основниот суд во Белград.