Министерот за одбрана Талат Џафери ќе се обрати на одбележувањето на 4. Април, Денот на НАТО, што ќе се одржи во Домот на АРМ во Скопје.
Настанот, во организација на Евроатлантскиот совет на Македонија, а под покровителство на Министерството за одбрана, е дел од проектот „НАТО недела – обезбеди ја иднината“ чија основна цел е одбележување на Денот на НАТО, промоција на историјата, вредностите и целите на Алијансата, како и истакнување на значењето на евроатлантските интеграции за Република Македонија.
Денот на НАТО е настан кој традиционално се одбележува во сите земји-членки на НАТО, како и во земјите-партнери. На овој ден во 1949 година во Вашингтон, 12 земји го потпишале Договорот со кој е конституирана Северноатлантската алијанса.