Република Македонија уште од почетокот на сириската криза силно ги подржуваше напорите на меѓународната заедница за ставање крај на насилството во Сирија.
Во таа насока, ние ја подржуваме работата на инспекцискиот тим од ОН, чија задача е прибирање на дополнителни докази за употреба на хемиско оружје, што предизвика смрт на стотици невини цивилни лица, се наведува во соопштението од македонското МНР за актуелната состојба во Сирија.
Земјава се придружува кон меѓународната јавна осуда на ваквиот чин со кој се повредуваат основните меѓународни норми. Таквите нарушувања не смеат да останат неказнети, се вели во оопштението од МНР.