Во тешка сообраќајна несреќа на магистралниот пат А3 Брегана-Липовац, на јужната коловозна лента, загина македонски државјанин, а уште еден е повреден јавуваат хрватските медиуми.
Известувањето за несреќата било примено во Центарот за оперативни комуникации на Полициската управа Брод-Посавина околу 19:10 часот.
Починатиот (51) бил државјанин на Македонија, кој бил сопатник во автомобил со италијански регистарски таблички информираат хрватските медиуми повикувајќи се на полициски извори.
Другата жртва, која е повредена во несреќата, исто така е македонски државјанин, а се наоѓал во автомобил кој излетал од патот.
Увидот на полицијата е во тек, по завршување на истрагата ќе се знаат сите околности поврзани со несреќата и причината за слетувањето од коловозот.