Во крводарителска акција во велешкиот Ликовен салон денеска беа собрани рекордни 150 единици крв. Акцијата ја организираше навивачката група „Гемиџии“ во соработка со општинскиот Црвен крст и со Институтот за трансфузија од Скопје.
Тие се задоволни од успехот на акцијата и од хуманоста на граѓаните на Велес. Крвните единици ќе бидат пратени во Институтот во Скопје и наменети за лекување на пациенти хоспитализирани во Клиничкиот центар.
Крводарителската акција беше дел од општинската програма со која се прославува Денот на сесловенските просветители свети Кирил и Методиј.