На вчерашната крводарителска акција која се одржа во Полициската станица од општа надлежност во Крива Паланка беа собрани вкупно 24 единици крв.
Акцијата е во организација на општинската организација на Црвен Крст од Крива Паланка и Институтот за трансфузиона медицина од Скопје.
-На оваа акција крв даруваа само вработени во Кривопаланечката полициска станица, а нашата соработка со Министерството на внатрешни работи и организирањето крводарителски акции за нивните членови се долгогодишни и успешни, изјави Дарко Пешовски, секретар на ОО на Црвен Крст од Крива Паланка.
Оваа акција е прва за месец јуни, а заклучно со денешните, до сега се собрани вкупно 504 единици крв од вкупно проектираните со 711 годишниот план за 2015 година.
-Со денешните 24 крвни единици Планот за крводарувања за годинава е реализиран за 71 отсто, а до крајот на годината како и секогаш очекуваме истиот да биде натфрлен, додаде Пешовски.
Тој потенцира дека за јуни е планирана уште една крводарителска акција, а терминот и локацијата за одржување дополнително ќе бидат утврдени.