Црквата „Сите Светии“ во манастирскиот комплекс во село Лешани во областа Долна Дебарца, Охридско, е целосно конзервирана и реставрирана.
Проектот, финансиран од Министерството за култура, се одвиваше во пет фази и опфати заштитно-конзерваторски работи на архитектурата на црквата заради намалување на негативните влијанија на влагата во и околу објектот, како и санација на археолошките ѕидови. Извршена е и конзервација на фрескоживописот кој поради влагата во изминатиот период беше доведен во сериозна опасност. По механички и хемиски пат отстранети се сите нечистотии и извршено е ретуширање на оштетениот слој со што е вратена колоритната автентичност на фрескоживописот, по кој е препознатлива оваа црква.
Црквата „Сите Светии“ е изградена во 15 век и претставува мала еднокорабна градба ѕидана од кршен камен и бигор.