Во Богданци денеска се одржа конститутивната седница на новоизбраниот Совет на која беа верификувани мандатите на 11 советници од кои седум од СДСМ и коалицијата и четири од ВМРО-ДПМНЕ и коалицијата.
За нов претседател на Советот едногласно беше избрана Драгица Ѓавочанова, советничка од СДСМ.
До изборот на новиот претседател, седницата ја водеше најстариот советник, Снежана Енџекчева, а по изборот на актуелниот претседател, Советот ја конституираше и Комисијата за мандатни прашања, избори и именувања.
Во своето обраќање Ѓавочанова им ги честита мандатите на советниците, им се заблагодари за добиената поддршка и истакна дека за времетраење на мандатот се надева на плодна и успешна соработка во интерес на граѓаните на општина Богданци.
