„Центарот за лаги и манипулации на ВМРО-ДПМНЕ многу погрешно се пресметал.Во огромна заблуда се ако мислат дека ќе можат сопствениот криминал на Груевски и „фамилијата“ да го сокријат со симнување на нивото на политичка комуникација“, стои во реакцијата на СДСМ на соопштението на ВМРО-ДПМНЕ.
Изминатите денови, велат, македонската јавност уште еднаш се увери колку ниско може да падне ВМРО-ДПМНЕ, кога најмува глумци за да измислуваат лаги и конструкции против Бранко Црвенковски и СДСМ.
„Како и да е, ваквите монтирани конструкции и режирани интервјуа не можат да го оттргнат вниманието на јавноста за вистинскиот криминал што се случува сега, во актуелната влада.Кога тогаш, целиот криминал на Груевски и Фамилијата ќе излезат на виделина и одредени функционери во ВМРО-ДПМНЕ ќе мора да се соочат со сопствената одговорност“, стои во соопштението на СДСМ.