Кочубовски: Институтот за јавно здравје е подготвен и има акциски план за одговор при кризни и итни состојби

Од:

Михаил Кочубовски, раководител на Сектор за здравствена екологија во Институтот за јавно здравје кажа дека Институтот е подготвен и дека има акциски план за одговор при кризни и итни состојби. Тој нагласи дека има и стандардна оперативна процедура како да постапува здравството во услови на поплави.

– Ако се случат поплави, би можела да биде загадена почвата во зависност од тоа што е поплавено. Ако е поплавено само земјоделско подрачје тоа ќе биде транзиторно или преодно и зависи од периодот. Во овој период од годината не постои ризик по здравјето од евентуално поплавување на земјоделски посеви зошто нема култури кои сега се одгледуваат, барем во поголемиот дел, појасни Кочубовски на паузата на национална конференција за правичен пристап до вода.

Тој кажа дека овој период е мирен, а опасно е во пролетниот и летниот период кога има жетва или пред жетва.

– Тогаш ќе настанат штети на самите култури и загрозување, загадување и тогаш тие не би можеле да се користат за храна, рече Кочубовски.

Според него постои можност и од контаминација на водата ако се излеани површинските води и ако бунарите не се добро заштитени.

– Ние имаме програма за следење на бунарите во градските и селските подрачја и тогаш поинтензивно следиме и ги испитуваме и секако забрануваме ако водата е неисправна, даваме препораки да не се користи и за нејзина дезинфекција или ако тоа веднаш не може да се примени, даваме препораки да се преврива водата или во краен случај да се користи пакувана вода за пиење, која е безбедна, истакна Кочубовски.

Би можело да ве интересира

Марија Андоновска нова директорка на Институтот за јавно здравје

Регионот се бори со голема кашлица, во земјава веќе има седум случаи

Во Берово, Гостивар и во Тетово да не се излегува од дома, воздухот е екстремно лош – препораки од Институтот за јавно здравје

Катерина Ѓуровски

Најмладиот пациент од коронавирус кај нас е двегодишно дете, најстариот има 91 година

Мери Јордановска

Досега над 1.000 заболени од грип, бројката расте

А1он

ИЈЗ: Регистрирани 1.252 заболени од грип, два смртни случаи за три дена