Градоначалникот на град Скопје, Коце Трајановски во областа планирање и уредување на просторот ветил пет проекти од кои според анализата на Вистиномер исполнил само еден проект, еден делумно а три проекти воопшто не ги исполнил. Според оваа анализа Трајановски од ветувањата пред четири години за планирањето и уредувањето на просторот не ги исполнил 60 проценти, 20 проценти исполнил, а 20 делумно ги исполнил.
Според Вистиномер, трајановски ветил дека до септември 2011 година ќе изработи катастар на водоводна, канализациска, топлинска и гасна подземна инфраструктура.
Катастарот не е изработен и според последните информации техничките услови за подготовка на овој проект треба да се подготват до почетокот на 2014 година, а со тоа ова предизборно ветувње не е исполнето.
Според Вистиномер, делумно е исполнето ветувањето за процедурата за поставување билборди на јавна површина со оглед дека се доцнело цели три години од предвидениот рок.
Проектот за нова локација на гробиштата во Скопје, со рок до декември 2009 е откажан со образложение дека ќе се преименува во нов проект за проширување на постојните гробишта во Скопје.
Ова предизборно ветување не е исполнето а истиот проект повторно се најде во новата програма на Коце Трајановски (2013- 2017).
Проектот за обезбедување нови гробни места во Камник е исполнет целосно.
Ветувањето за изработка на просторен план во скопскиот регион со рок до септември 2010 е неисполнето.
Темјана Поповска