Кандидатот за градоначалник на Кавадарци од редовите на СДСМ и „Сојузот за иднината“, Бетиан Китев, денеска на кавадарчани им порача дека тој им нуди нешто што Кавадарци никогаш го немало.
Тој истакна дека на Кавадарци ќе им понуди чесност и одговорност.
Имаме волја, имаме сила и знаење да направиме промени кои ќе допрат до секој граѓанин. Имаме јасна цел, Кавадарци мора да биде место во кое партиската книшка нема повеќе да биде критериум за вработување. Кавадарци мора да биде град каде секој ќе може да живее достоинствен живот. Кавадарци мора да биде пример за тоа како една општина треба да функционира и секој кавадарчанец да си ги оствари своите права – Изјави Бетиан Китев.