Дополнителниот заменик министер за информатичко општество и администрација Александар Кирацовски денеска посети јавни институции во Битола чии основачи се локалната самоуправа или национални институции.
По посетата, Кирацовски изјави дека во ЈП „Стрежево“, ЈП „Комуналец“, подрачната единица на Фондот за здравствено осигурување и општина Битола разговарал со вработени и раководители во институциите со цел, како што рече, да се анулираат проблемите кои се јавуваат во текот на предизборниот и изборниот процес во доменот на администрацијата.
– Целта е единствена – слободни, фер и регуларни избори. Ги охрабрувам вработените да пријавуваат политички притисоци, неправилности и нерегуларности, рече Кирацовски.