Јавното претпријатие „Јасен“ денеска излезе со соопштение во кое обвини дека вчерашната блокада на патот кај езерото е организирана од група која откако е поставен пунктот на јавното претпријатие, повеќе не можат да вршат криволов на езерото Козјак.
Претпријатието „Јасен“, кое стопанисува со хидроакумулацијата, во соопштението вели дека против водачите на оваа група одамна се поднесени пријави за криволов, неколкупати им е одземана риболовната опрема, а еден од нив, според „Јасен“, има правосилна пресуда за криволов на дивеч, со која е казнет со 240.000 денари.
Во сооопштението се вели дека „основното и вистинско барање на овие „граѓани“ е всушност несметано вршење на криминални работи, како што е криволовството на дивеч и рибокрадство, а ние со овој пункт и присуство тоа им го оневозможуваме“.