Медиумите во Израел почнаа да ја истражуваат приказната за коруптивниот скандал во кој е инволвиран аболицираниот нивни граѓанин Хаим Хакеини.
Во текстот насловен како „СЛУШНЕТЕ: Македонците протестираат против огромниот коруптивен скандал во кој се инволвирани Израелци” се објаснува позадината на протестите и причините поради кои истите започнаа.
Во текстот се спомнуваат имињата на Никола Груевски, Сашо Мијалков и Светлана Костова, како и на Израелецот Хаим Хакеини и се пренесуваат делови од прислушуваните разговори.
Исто така Times of Israel се повикува на текст објавен во бизнис весникот The Marker каде се наведува дека опремата е најверојатно користена за прислушување на граѓаните.