Во уметничката галерија „Мерикон“ во центарот на Виена денеска ќе биде отворена изложба на Билјана Јовановска, насловена „Невините дијалози“.
– Јовановска ќе се претстави со пејзажи и графики, деконструирани и повторно изградени, преку симплифицирање на мотивот, така што се постигнува ефект на преобразба на реалноста и ослободување од сите физички граници, информираше Амбасадата на Македонија во Виена, која е соработник во организацијата на изложбата.
Билјана Јовановска магистрирала на Одделот за сликарство во класата на проф. Благоја Маневски, на Факултетот за ликовни уметности во Скопје.
Изложбата ќе ја отвори амбасадорот во Австрија Ѓорѓи Филипов и ќе трае до 15 јануари.
