Изгаснат е пожарот што избувна изутрината во фабриката за плински боци „Балканс гас“ во Богданци по експлозијата што се случи во фабричките капацитети.
Истражните екипи официјално потврдија дека трите жртви во пожарот се на возраст од 40, 42 и 60 години и дека сите се од селото Ѓавато оддалечено пет километри од Богданци. Телата на починатите се предадени на судска медицина за да им се изврши обдукција.
Еден од вработените кој се здоби со тешки изгореници веќе е префрлен на Клиничкиот центар во Скопје за натамошно лекување.
Истражните дејствија на теренот продолжуваат и натаму.
