Даниела Караѓозоска, сопственичката на домот за стари лица „Панада“, советник во град Скопје, претседател на Унијата на жени на ВМРО-ДПМНЕ е новиот ополномоштен амбасадор на Република Македонија во Република Хрватска.
Опозицијата критикуваше, изборот на Даниела Караѓозоска е срамен, со ова ја понижуваме и пријателска Хрватска, Караѓозоска а нема ни ден дипломатско искуство, а во своето излагање, забележа опозицијата повеќе говореше за географските карактеристики на Хрватска, како да се вработува во каналот „Discovery“ или пак во некој историски канал.
Игор Ивановски ја праша дали знае што ќе работи како амбасадор, дали ќе и помогне искуството што го имала како крупие во казино, дали знае што е „Агрокор“, што ќе работи на средбите, како што навела, со медиумите и верските претставници.
„Следно што очекувам е и Амди Бајрам да го кандидирате на местото на Бан Ки Мун за Генерален секретар на ОН, кога ќе му заврши мандатот. И тој е стопанственик како Караѓозоскаа, и тој се труди. Кога може Караѓозоска да биде амбасадор во Хрватска, зошто Амди Бајрам да не може да биде Бан Ки Мун“, праша Игор Ивановски.
ВМРО-ДПМНЕ и ДУИ пак го поздравија именувањето на Караѓозоска. За нив таа е добар избор за претставник на Македонија. Караѓозоска, кој на крај говореше во испразнета сала ги отфрли сите обвинувања на нејзина сметка.
Реакциите за Караѓозоска беа пожестоки, од критиките на опозицијата за амбасадорот во Кралството Белгија, Лазар Еленовски. За него рекоа дека барем минимално, како поранешен министер за одбрана, ги исполнува критериумите, иако сметаа дека е посоодветно да биде амбасадор во НАТО. Прашаа, но не добија конкретен одговор, дали Еленовски се уште стои на јавно кажаното, како член на НСДП и министер, дека Никола Груевски во Букурешт отишол со став да го прифати името република Македонија (Скопје).