„Нема ништо ново во пакетот предлози за реформа на администрацијата што денеска ги достави до Владата потпретседателката на СДСМ Ана Павлова Данева, но добро е што оваа партија ги поддржува напорите на Владата за тие реформи. Најголем дел од предлозите се плагијат на методологијата за компетенции“, изјави министерот за информатичко општество и администрација, Иво Ивановски.
„Ние направивме Стратегија за реформа на јавната администрација, со акциски план, како и методологија базирана на компетенции која првпат се воведува во Македонија. Токму најголем дел од предлозите што доаѓаат од СДСМ се плагијат од оваа компетенција каде само ги менуваат називите на посебните проекти, а ние со ангажирање консултанти од националната школа за јавна администрација од Велика Британија направивме студија која траеше девет месеци“, рече Ивановски.
„Променети се и тестовите за вработување во администрацијата и секој добива различни тестови. Ќе продолжиме со реформата на администрацијата“, изјави министерот Ивановски.