18-годишниот Иван Парталоски од Вевчани го фати светиот крст што денеска беше положен во студените води во Вевчанските извори.
Парталоски, кој четврти пат скока по светиот крст и првпат го фаќа, на сите им посака здравје, среќа и бериќет.
– Со Божја волја очекувам следната година среќа, бериќет и да ми се исполни се што си посакувам. Се надевам се ќе биде во најдобро светло и ќе успеам во сите полиња, рече Парталоски.
Тој беше најсреќен меѓу 15-тината верници што скокнаа во студените извори во Вевчани каде температурата на водата беше 3 степени Целзиусови.