Интеруниверзитетската конференција на Република Македонија денеска на Скопскиот универзитет одржа седница на која го разгледа и го поддржа Предлог-законот за иновациска дејност.
– Членовите на Интеруниверзитетската конференција дадоа едногласна поддршка на овој закон, со кој се уредува иновациската дејност, принципите, целите и организацијата на примената на резултатите од иновациската дејност, научно-истражувачката дејност, техничките и технолошките знаења, пронајдоците и иновациите, како исклучително важни развојни компоненти на државата, соопшти Универзитетот „Св. Кирил и Методиј“.
Седницата ја водеше претседателот на Интеруниверзитетската конференција и ректор на УКИМ Велимир Стојковски, а присуствуваше и министерот за образование и наука Панче Кралев.