И полицаец меѓу 59 жртви во несреќата во Кочани, има 155 повредени

Педесет и девет лица загинаа во пожарот во дискотеката „Пулс“ во Кочани, соопшти министерот за внатрешни работи Панче Тошковски.

Следете a1on на Instagram

Загина и еден полицаец од полициската станица во Пробиштип, кој бил во дискотеката по претходно изготвен план за присуство на малолетници во дискотеката.

– Овој полицаец требало да биде награден за најдобар полицаец за територијата Пробиштип. Загина при вршење на контрола за евентуално откривање дрога и малолетници – рече Тошковски.

Триесет и пет од загинатите лица се идентификувани, од нив 31 се од Кочани, а 4 од Штип.

Следете a1on на Youtube

Повредени се 155 лица кои се распоредени низ болниците во земјава.

Распишана е потерница по четворица.