Актуелниот премиер, Никола Груевски, го обвинува лидерот на СДСМ, Зоран Заев за неуспехот на денешната средба во Брисел кога заврши без конечен договор. Во изјава за „Алсат ТВ“ Груевски целата вина ја префрла на Заев.
Како што е познато двете страни останаа на своите цврсти позиции. Заев, при тоа, бараше во транзицискиот период да биде формирана преодна влада без учество на Груевски, додека според дипломатските извори Груевски преговарал да остане премиер до крајот на годината.
Груевски за Заев рече дека се плаши да излезе на избори и се плаши од соочување со народот.
-Сака да ги одврати инвеститорите и да ја држи државата во постојана криза – изјави премиерот.