Премиертите Никола Груевски и Ивица Дачиќ се сложија дека двете земји мора да ја унапредат економската соработка, додека Дачиќ ја предложи иницијативата регионот да се обедини по примерот на Скандинавските или Балтичките земји.
Оценувајќи ја заедничката седница меѓу Србија и Македонија, премиерот Груевски изјави дека средбата е одлична можност за размена на информации за актуелните прашања и состојби во регионот.
Притоа Груевски додаде дека фактот што сите земји во регионот се соочуваат со услови за влез во Европската унија, кои претходно не биле поставувани за други држави, тој изјави: „Тоа нас не не’ обесхрабрува и демотивира, сосема напротив“.
Премиерот Груевски додаде дека соработката преку разни иницијативи е потврда дека Македонија и Србија се залагаат за европеизација на регионот.
