Министерот за политички систем и односи меѓу заедниците Артан Груби на друштвената мрежа Фејсбук сподели дека утрово го пречекал албанскиот репрезентативец Јасир Асани.
„Му честитав на Јасир за двата одлични настапи во победите на неговиот национален тим, за спектакуларниот гол постигнат против Молдавија и го охрабрив да продолжи со одличната работа во однос на напредувањето во професионалната кариера“, напиша Груби.
Тој додаде дека „Ќе продолжиме да го поддржуваме во секој чекор од неговата кариера, посакувајќи заедно со репрезентативците да стигнат до квалификациите за Европското фудбалско првенство“.
Јасир Фадил Асани е професионален фудбалер кој игра како десно крило за клубот од К Лига 1, Гвангжу ФК. Роден во Македонија, тој ја претставува репрезентацијата на Албанија.
