Синоќа на Инфективната клиника во Скопје починала 31-годишна пациентка од изолиран вирус на грип од типот А, а која спаѓала во ризична група пациенти и претходно боледувала од епилепсија, соопштија од клиниката.
Пациентката била хоспитализирана на 11 февруари во тешка општа состојба поради потешкотии кои започнале една недела пред приемот. Имала болки во грлото, изнемоштеност, покачена телесна температура и потешкотии во дишењето, поради што веднаш била поставена на механичка вентилација и отпочнат е третман со потребната антибиотска и антивирусна терапија.
За седум дена состојбата и се стабилизирала респираторната функција и виталните параметри по што била поставена на кислородна поддршка, но и покрај преземените мерки за интензивно лекување, во текот на ноќта состојбата се влошила и констатирана е смрт, објаснија од Клиниката.