Во изминатите три дена во Хируршката дневна болница при Општата болница во Велес лекарска помош побарале пет граѓани кои при пад на мразот се здобиле со фрактури на екстремитетите. По укажаната лекарска помош се пуштени на домашно лекување.
Портпаролот и главна сестра Марина Андова изјави дека во изминатите три дена и 18 граѓани се здобиле со нагмечувања по телото.
– Од овој број во текот на денешниот ден поради скршеница на екстремитетите за здравствена помош во Велешката општа болница се јавил еден граѓанин, а со нагмечувања по телото тројца, појаснува Андова.
Таа апелира до граѓаните внимателно да се движат по големиот дел од замрзнатите улици и тротоари, а посебно по високите делови од градот.