Владата доби нов портпарол. Александар Ѓорѓиев е имeнуван за портпарол на Владата на Република Македонија.
Ѓорѓиев досега ја извршуваше работната позиција државен советник за односи со јавност во Канцеларијата на претседателот на Владата на Република Македонија.
Александар Ѓорѓиев е роден 1982 година. Има завршено правни студии на отсекот управно право на Правниот факултет „Јустинијан Први“ при Универзитетот „Свети Кирил и Методиј“ во Скопје, каде во моментов е магистрант-постдипломец на правни науки на отсекот деловно право.