Владата на Република Македонија обезбеди 144 милиони денари за надоместоци за учениците од социјално ранливи семејства кои ќе се запишат и редовно ќе посетуваат настава во средно образование во учебната 2012/2013 година, најави владиниот портпарол .
„Предвидените средства за годинава се за една третина поголеми од лани, кога беа исплатени 98 милиони денари“, рече Александар Ѓорѓиев
Според владиниот гласноговорник, со оваа мерка Владата директно ги поттикнува учениците од овие семејства и нивните родители да се запишат и да го завршат средното образование, со што ќе се стекнат со подобри можности за вработување.
Одговарајќи на новинарско прашање рече дека зголемувањето на средствата не значи дека стапката на сиромаштијата е зголемена.
