Опозициката СДСМ ја обвинува власта дека нечесно ги искористила годишните одмори да спроведе што е можно повеќе поскапувања и непопуларни мерки и оти го одвлекувала вниманието на јавноста од проблемите со лустрацијата.
Потпретседателот на СДСМ Гордан Георгиев на прес-конференција меѓу другото се осврна на последната одлука на Регулаторната комисија за енергетика за поскапување на парното греење за 3 проценти и на струјата за дури 10 проценти.
Георгиев упати критики и за, според него, пресметката на власта со Љубе Бошкоски, а оцени и дека макеоднската дипломатија доживеала ново деградирање со именувањето нам Даниела Караѓозоска за амбасадор во Загреб.
Додека сето ова се случуваше, македонската економија продолжи да тоне, а тоа најдобро се гледа од последните проекции на Народната банка, која повеќе не верува дека растот на БДП оваа година може да надмине еден процент, наведе Георгиев.
